Skelltum okkur fjórir saman í Svarta Turninn í Búahömrum í Esjunni laugardaginn 18. júlí. Eftir nokkur símtöl kvöldið áður var vaðið í það að prufa það sem sportið hefur gengið útá síðustu vikurnar að klifra heitustu leið landsins í dag Svarta turninn sem þeir Freysi, Andri og Sissi hafa unnið hörðum höndum að koma í gang en þeir eiga heiður skilið strákarnir fyrir að setja upp, bolta og hreinsa leiðina sem er mjög skemmtileg.

Við vorum semsagt fjórir, Gummi St, Óðinn, Óli og Kári sem réðumst í þetta seinnipart laugardagsins og var mikil stemming og spenningur í okkur. Við byrjuðum auðvitað á að fara of langt, eða þar sem maður leggur yfirleitt til að fara í Tvíburagil eins og við gerðum svo oft í vetur en þessi leið er bara nokkuð beint fyrir ofan malarnámuna þarna við flatus vegginn.

Í Select vorum við farnir að flissa skemmtilega og spenningurinn að fara með okkur svo að t.d. voru keyptir uppþvottahanskar vegna hugmynda yfir því hversu mikið grip gæti nú komið af þeim við klifrið. Það gekk nú kannski ekki alveg eins vel og menn vonuðu og voru þeir fljótt afskrifaðir þegar á var reynt eftir eitt fall.

Hálfgert mösst er að vera með hjálm í leiðinni þar sem svoldið er um laust grjót ennþá, hausinn á mér fékk t.d. einn svipaðstórann stein í sig þegar ég reyndi að hífa mig upp á honum og sem betur fer meiddi sig nú enginn þegar hann féll til jarðar. Við vorum þó ekki allir með hjálm þar sem við vorum bara með 3stk. en það kom sem betur fer ekki til saka.