Þar sem ísklifurfestivalið er á næsta leiti var komið að því að rifja upp hvernig nota skal ísaxir í lóðréttum ís. Fáar leiðir eru eins klassískar og þægilegar í slík verkefni en einmitt Rísandi og Stígandi, en þegar við komum undir Múlafjallið sáum við að þær voru báðar í fínum aðstæðum en við ákváðum að velja Rísanda að þessu sinni.
Það voru Addi, Gummi og Magnús Stefán sem fóru í ísbíltúr að þessu sinni. Klifrið var bara fínt og vorum við bara passlega ryðgaðir eftir góða klifurpásu. Vonumst til að komast í gírinn á ísklifurfestivalinu í febrúar. Í síðustu spönninni var farið beint upp vinstra megin við íshafið upp sprungu sem var með smá ís í og endar í smá klettafjöri, mælum með því.

Þar sem Gummi tók stóru myndavélina með sér að þá voru teknar þónokkrar myndir, en kannski fáar af honum fyrir vikið.