Þverártindsegg hefur verið ein vinsælasta gönguleið landsins fyrir þá sem hafa lokið Hvannadalshnúk og vilja komast flottari leiðir hérlendis.
Af þeim leiðum sem eru farnar er þessi leið á Þverártindsegg úr Eggjardal innst í Kálfafellsdal ein sú flottasta sem hægt er að fara með gönguhópa í. Þessi leið er stutt en brött og krefst nokkurra ráðstafana til að halda öryggi fyrir hópinn.

Gummi hefur nú farið þessa leið þónokkuð oft með hina ýmsu hópa og hefur FÍ staðið fyrir þeim flestum. Á leiðinni hefur stundum þurft að klofa yfir djúpar sprungur, fara yfir ótraustvekjandi snjóbrýr, klifra brattar snjóbrekkur, þvera langa hættulega brekku í hliðarhalla með gili fyrir neðan og þvælsat upp/niður brattar lausar skriður.
Í þetta skipti voru með honum frá FÍ Bjarni, Guðjón, Hjalti og Kári. Unnum þetta sem gott teymi og skiluðum öllum heilum heim eftir þessa flottu ferð.

Í fyrra var snjór alveg niður í Eggjardal en nú var ekki snjór fyrren í nokkur hundruð metra hæð, en vegna kulda var sumsstaðar smá frost undir skriðunum svo þær voru í lausari kantinum þetta árið.
Þetta gekk ágætlega, en þó settum við upp línur á nokkrum stöðum í skriðunni til öryggis. Á toppnum fengum við fínt veður, kalda norðanátt og það var hálfskýjað svo við fengum sól af og til.