Við fórum 4 í ísklifurleiðangur á Gígjökli á sunnudaginn, Gummi St., Addi, Gauti og Halli. Fórum snemma úr bænum á nýja stóra fjallabílnum hans Gauta og vorum komnir uppað jökli dáldið fyrir hádegi.

Við byrjuðum á að allir fóru amk. eina ferð upp vegg, svo fórum við í smá göngutúr eftir matarpásu, og gengum aðeins ofar í jökulinn, við gengum þó bara á "dead end" því að við fórum beint í sig-ketil sem ekki var hægt að komast uppúr á auðveldan máta..

Við snérum því við og komum aftur niður að ísveggsbeltinu ognú færðum við okkur í erfiðari vegg þar sem var stórt barð neðst sem erfitt var að yfirstíga. Beita þurfti "8-þræðingu" til að komast upp það og gekk það mjög brösulega...

Eftir daginn vorum við orðnir alveg gjörsamlega búnir á því og fengum okkur hressingu og lögðum svo af stað í bæinn.
Ég hef verið gagnr. fyrir að setja of fáar myndir af ferðunum, þannig að ég setti bara hellling inn... enjoy: