Við fórum 3 félagar úr teyminu í Ísklifurferð í Múlafjall á sunnudaginn! Þetta er í fyrsta skipti sem við reynum fyrir okkur í leiðsluklifri.
Við Addi fórum á föstudagseftirmiðdegi í bíl- og göngutúr á ísklifursvæði Múlafjalls þar sem efsta myndin var tekin, þá sáum við að það voru nokkrar leiðir orðnar nógu frosnar til að hægt væri að klífa þær og ákváðum við að skella okkur þangað á sunnudaginn.
Við byrjuðum bara harkalega, fórum upp alveg helvíti langan vegg, þó hann hafi nú ekkert verið neitt tækniilega erfiður að þá var hann frekar langur sem fyrsti leiðsluveggur. Ég byrjaði að leiða og Addi kom síðan á eftir honum upp og tók út skrúfurnar sem ég setti inn, og gekk það víst eitthvað brösulega hjá honum, fyrst hann "gleymdi" einni... spurning hvort hann hafi bara óvart farið í gegnum tvistinn sem er notaður til að festa línuna við skrúfuna... ??
En þetta gekk upp hjá okkur og við komumst báðir upp, njótið myndanna vel, við módelin höfðum mikið fyrir því að láta taka svona flottar myndir af okkur.... ;p