Jæja... það hlaut að koma að því að það yrði haldið framhaldsnámskeið í ísklifri, en það var haldið núna á laugardaginn í Múlafjalli. Við Addi skelltum okkur að sjálfsögðu, og vorum við settir í ákveðin hóp. Með okkur í hóp voru 2 nemendur, Viðar og Gísli, og síðan leiðbeinandinn sem heitir Jón Haukur.
Þetta var alveg þrusu-ferð, og vorum við meira í því að njóta staðar og stundar, heldur en að vera að smella mikið af myndum, en auðvitað er ekki hægt að fara í ferð án vélarinnar... og voru teknar frekar fáar myndir, en þær voru alveg svona þokkalegar í þetta skiptið...
Ég vill nota tækifærið og þakka þessum frábæru mönnum fyrir þrusufínan dag á Múlafjalli, leiðbeinandinn stóð sig mjög vel og lærðum við heilmargt af honum, fyrir utan það hve gaman var að klifra með honum.