Við Addi fórum í ísklifur á laugardaginn. Ætluðum fyrst að fara í múlafjallið að klífa jafnvel Stíganda aftur, en þegar við komum þangað voru 3 klifrarar á leiðinni niður, enginn annar en Haraldur Örn var þarna á ferð með 2 félögum, Ingvari sem við hittum í Eilífsdal þegar litla ísklifurfestivalið var haldið þar, ásamt einum öðrum sem við þekktum ekki.

Þeir sögðu okkur frá því að ísinn væri orðinn mjög tæpur þarna á svæðinu og að þeir ætluðu inní Glymsgil, og buðu okkur að elta þá ef við vildum. Við vorum meira en til í það, enda aldrei komið þangað.

Það er mjög flott þarna innfrá, stuttur gangur frá bílastæði að gilinu og aðstæðurnar þarna voru alveg svona þokkalegar í þeim fáu leiðum sem voru í aðstæðum.

Við þökkum þremeningunum kærlega fyrir að hafa sýnt okkur svæðið, og ef einhver veit nöfnin á þessum leiðum sem eru þarna mætti sá hinn sami endilega commenta hér fyrir neðan á það.