Við fórum 5 saman á Snæfellsjökul á laugardaginn. Gummi Stóri, Óðinn, Lalli, Jón H. og Þórhallur, fengum alveg einstaklega gott veður, algjörlega heiðskýrt og mjög hlýtt og kyrrt.

Þrömmuðum bara upp fjallið á einum og hálfum tíma, fórum svo uppá topp í smá stund, fórum síðan að leika okkur í ísklettinum fyrir neðan (minni kletturinn). Það var mjög erfitt að klifra í þessu, því þetta var bara frosinn snjór, en ekki ís þannig að það var t.d. óhugsandi að leiða þetta heldur skelltum við bara upp "top-rope" og lékum okkur af því að klifra og síga niður í smá stund.

Þegar við vorum síðan komnir niður hafði snjórinn blotnað svo mikið að það var næstum ófært til baka vegna þungfærðar... en það hafðist nú auðvitað, enda á þrusubíl.