Við fórum 4 saman í ísklifur-æfingaferð í Sólheimajökul. þarna er fínn æfingaveggur sem er bæði hægt að toprope-a og leiða. Við létum nægja að toprope-a hann í þetta skiptið, en eigum örugglega eftir að koma hingað aftur til að æfa okkur í leiðslu fyrir veturinn..
Viðbót: Önnur ferð í sama jökul 27. ágúst
Fórum á sama stað aftur og hann var orðinn allt öðruvísi eftir þessa 2 vikna fjarveru okkar. Stór jaki sem stóð þarna fyrir framan vegginn sem við fórum í var t.d. alveg horfinn, bara orðinn að molum fyrir neðan. Áin fór nú undir jökulinn en ekki framhjá honum eins og síðast osfrv... Ég vill taka það fram að þeir sem ætla að kíkja þangað í klifur að fara varlega, þarna eru mjög djúpar sprungur og hættulegar, þannig að hafið varan á!